الواد احمد -شعر اطفال بالعامية المصرية

من طرف **dode09** الجمعة أغسطس 13, 2010 8:16 am

&&&&&&&&&&&
الواد احمد
شفت الواد احمد كان إيه
كان بيقلد شكل الأرنب والعصفور يعمله باديه
كان بيبص لي زي التعلب والمنظار يتفرج فيه
ويا القط ينط ويلعب والمنظار يتفرج فيه
بس ما كانش يزور مدرسته ولا يعرف كان فين كراسته
ويكشر لو تزعل مامته ويبرق علطول بعنيه
كان بيحب لوحده يمشي م الناس الماشين ما يخافشي
google_protectAndRun("ads_core.google_render_ad", google_handleError, google_render_ad);
لو تساله هيقول ما اعرفشي ولا يزعل من خوفنا عليه
شاف اصحابه بقوا شطار وبياخدوا الجايزة تذكار
اما احمد دلوعة الدار الدمعة نزلت حواليه
شاف بابا علطول وياهم والأستاذة بتحييهم
واصحابهم دايما حواليهم قال أنا هاقعد اعمل إيه
لازم اذاكر ويا اصحابي واتعب مع شنطتي وكتابي
ولأستاذي أفتح بابي يفرح بابا الله يحميه
بقي دي الوقتي أفضل واحد ساعة الحصة بعقله يجاهد
ساعة الفسحة نشيط ويساعد وجيرانا بتحسدنا عليه

&&&&&&&&&&&&&&&&&&&&&&&&
أغنية للأطفال والكبار
بكرة
بكرة مليان بالأمل مليان أمان
طول ما فيه كلمة محبة او حنان
طول ما كل الناس بتمسح جرح كان
طول ما نزرع وردة للعمر اللي جاي
عمر ما يغير طريقنا أي شيء
عمرنا ما نشوف تراجع أو هوان
كل واحد منا هنشوفه سعيد
والمتاعب عن طريقنا تروح بعيد
طول ما نور الحب يطرح كل آن
قلبنا عنبر ومليان بالهيام
واحنا بنخطي بعزيمة للأمام
بالأمل بكرة هنبي كل شيء
والصعاب تنداس ونوصل للطريق طول ما ف عنينا وف ادينا الحنان